ICULISNA vel ECOLISMA

ICULISNA, vel ECOLISMA

vulgo ENGOLESME, vel ANGOULESME, urbs Galliae, celebris Ep. sedes; primum memorata Aus. Ep. 15. v. 22.

Iculisna quum te absconderet,

Et invidebam devio ac solo loco

Opus Camenarum tegi.

Ubi urbem devium ac solum locum vocat poeta, non quod male sita, vel in agro sterili et iniucundo, sed quod extra viam militarem. In priscis Not. inter prov. Aquitaniae secundae civitates sex tertio loco ponitur, ante civitates Santonum Pictonumque clarissimas: soli Burdigalae Metropoli et Aginno postposita. In recent. Notit. sub Burdigalensi Metrop. post Pictavensem et Santonensem, tertius est Ep. Engolismensis: e quibus Lupianus Conc. Aurelianensi 1. et 2. Aphthonius Aurelianensi 5. Nicasius Matisconensi 2. Namatius Remensr subscripsêre. quibusdam urbs olim Agesina dicta, adeoque illa caput Agesinatum, quos Pictonibus iunctos memorat Plin. l. 4. c. 19. fuisse videtur. Ager ei subiectus, vulgo l' Angoumois vel l' Engoumoisin, inter Pictones, Santones, Lemovices et Petrocorlos intercipitur. Vide Hadr. Vales. Notit. Gall. et supra in voce Encolisma et Inculisma.